Манифестација поддржана од стана министерството за земјоделство, шумарство и водостопанство, преку Програмата за рурален развој како една од националните манифестации низ државава, за промоција на македонската храна и пијалоци произведени од малите производители на храна вчера се одржа во Крива Паланка.
Учество на овој фестивал на храната земаа 70 изложувачи, мали производители на храна и вино од целата држава, дел од социо-економските партнери на министерството, Слоу Фуд, Федерација на фармери и Асоцијација на земјоделци, презентираат своите брендови.
Посетителите имаа можност да уживаат во штандови преполни со највкусната домашна македонска храна и вино. Домашен ајвар, малиџано, разни слатка, намази, маџун, масла, сирења, кашкавали и разни други производи, но и да го пробаат познатиот Паланечки симит и Паланечки зелник.
Изобилство на најшарените тегли наполнети со домашни производи, одгледани под ова наше небо, со зраците на нашето сонце, од рацете на овој наш вреден народ и од тефтерите со рецепти од нашите баби.
Како министерството за земјоделство, шумарство и водостопанство, една од нашите пoставени цели е поддршка и развој на малите производители на храна и пијалоци. Во таа насока, од оваа година, за прв пат креиравме посебна програма за финасиска поддршка на малите прозиводители на храна, преку грант до 10.000 евра за набавка на опрема за производство, соопшти МЗШВ.
