Нашите односи уште повеќе ќе се засилат преку заедничките заложби за мир, безбедност и просперитет, напиша на Твитер државниот секретар на САД по денешната официјална посета на Република Северна Македонија и средбите во Охрид со претседателот Стево Пендаровски и премиерот Зоран Заев.
– Дискутиравме за поддршката на САД за пристапувањето на Северна Македонија кон НАТО и ЕУ, имплементацијата на Преспанскиот договор и економскиот развој со претседателот Пендаровски покрај прекрасното Охридско Езеро. Нашите односи уште повеќе ќе се засилат преку заедничките заложби за мир, безбедност и просперитет, пишува Помпео, кој доцна попладнето од Охрид замина за Атина во официјална посета на Грција.
Discussed U.S. support for North Macedonia’s accession to @NATO & the #EU, implementation of Prespa Agreement, & economic development with President Pendarovski at beautiful Lake Ohrid. Our relationship will grow stronger through mutual commitment to peace, security & prosperity. pic.twitter.com/0zMXqVQUDe
— Secretary Pompeo (@SecPompeo) October 4, 2019