Денес за прв пат во историјата на градот, граѓаните на општина Делчево добиваат модерен и современ градски пазар, токму како резултат на поддршката од Министерство за земјоделство, шумарство и водостопанство преку мерката 123 од Програмата за финасиска поддршка на руралниот развој за 2018 година.
Изградбата на овој капитален проект беше децениска желба и реална потреба на граѓаните во општина Делчево.
Новиот модерен градски пазар се протега на површина од 2.408 м2, располага со 18 дуќани и 192 продажни пунктови. Вкупната вредноста на овој капитален проект изнесува 45 милиони денари.
Денеска министерот Љупчо Николовски, заедно со премиерот Димитар Ковачевски и градоначалникот на општина Делчево лично се уверија во модерниот и современ изглед на пазарот со обезбедени квалитетни санитарни услови и поголема хигиена и по сите стандарди, кој ќе го направи Делчево како погранично место, економски центар, не само за градот, туку и регионот.
