Оваа енергија што ја видов вечерва ми дава за право да верувам дека на 15-ти јули, Штип победува, на 15-ти јули, Истокот победува! – порача вечерва од Штип генералниот секретар на СДСМ и носител во ИЕ3 Љупчо Николовски кој заедно со претседателот на Комисијата за здравство на СДСМ, Венко Филипче вечерва им порачаа на штипјани дека на 15 јули важно е да се излезе на гласање, затоа што се носи голема одлука.
Одлучуваме за сопствената иднина, за иднината на најблиските и за иднината на земјата. Одлучуваме дали ќе одиме напред и ќе се враќаме назад. И што е исто така многу важно, одлучуваме кој ќе ја води битката против коронавирусот во периодот што претстои.
Не е доволно само да веруваме дека СДСМ ќе ја води следната влада, и затоа секој од нас треба да преземе чекор и да учествува во големата одлука. Да не дозволиме да ја прокоцкаме шансата што заедно ја создававме овие три години. Ако останеш дома на власт ќе се врати Груевски. – рече Николовски.
Потребно е секој да излезе на 15 јули, да гласа и да учествува во потврдата на победата. Ќе продолжиме напред само ако вие така одлучите и само ако излезете и гласате на 15 јули, на вашето гласачкото место кое ќе биде целосно безбедно. Одлучуваме дали ќе одиме напред или ќе се враќаме назад! Дали ќе растат платите за сите или ќе се полнат џебовите на луѓето на Груевски? Дали ќе се заштитиме од Ковид или ќе оставиме неодговорни луѓе да донесат хаос, паника и закана за здравјето на сите? Дали ќе го исчистиме судството од корумпираните или Мицкоски ќе ги спасува Камчев и Груевски? – рече Николовски.
Дали после НАТО влегуваме во ЕУ или ќе им дозволиме да го поништуваат Договорот од Преспа и да не носат во провалија?На 15 јули вие одлучувате кој ќе ја води борбата со Ковид. Подготвени ли сте вашето здравје и здравјето на вашите најблиски да им го доверите на Мицкоски и неговите луѓе? Затоа, на 15 јули, да дадеме масовна поддршка за коалицијата #Можеме, која носи сигурност и заштита на здравјето на граѓаните. – истакна Николовски од Штип.
