Петар Аневски, претседателот на советот на јавни обвинители на Република Македонија со одлука на советот на јавни обвинители одзел четири предмети предходно доделени на специјалното јавно обвинителство и ги вратил на основното јавно обвинителство кај Марко Зврлевски, без притоа да извести никого, вклучително и СЈО.
Ова го изјави новинарот Зоран Божиновски во денешната изјава за 24ТВ по неговото излегување од притвор.
“Сакам нешто ексклузивно да ви покажам. Пресудата за “Шпион” во апелација е ништовна. Катица Јанева претпоставувам дека до овој момент не знае дека од 30 март минатата година не е надлежна за предметот “Шпион”. Одземен е со одлука на советот на јавни обвинители и ова не е соопштено. Петар Аневски одржал седница и четири предмети ги вратил кај Марко Зврлевски “, вели пред камерата на 24ТВ, Зоран Божиновски кој исто така е обвинет во случајот наречен “Шпион”
Божиновски покажа и документ во кој се вели? дека при одлуката на апелационен суд во случајот “Шпион” со која се ослободени 18 луѓе постапувало ненадлежно специјално јавно обвинителство.