Денеска беше објавен конкурсот од Оперативната програма за вработување за 2025 година кој се однесува на два чекори, првиот за поединци постари од 29 години и обезбедува 430 500 денари за основање фирма, како и дополнителни до 250 000 денари за лица со инвалидитет, додека вториот е за луѓе до 29 години и нуди до 615 000 денари за започнување самостоен бизнис.
Како што изјави денес министерот за економија Бесар Дурмиши, на конкурсите може да се пријават невработени лица регистрирани во Агенцијата за вработување, жени од руралните средини, приматели на загарантирана минимална помош, лица со хендикеп, жени кои претрпеле семејно насилство, лица кои се вратиле од странство и граѓани кои сакаат да ја официјализираат дејноста.
“Нашата цел е јасна, да поддржиме што повеќе граѓани кои сакаат да градат нешто свое на одржлив и легален начин.”
“Ова не е само финансиска помош, туку и директна инвестиција во потенцијалот на граѓаните и развојот на економијата.”
“Ова не е само ветување, туку создавање реални можмности за вработување и развој,” нагласи Дурмиши на прес-конференција во Владата.
Од конкурсот, спомена тој, се исфрлени дел од земјоделските дејности, такси транспортот, коцкањето, осигурувањето и посредувањето при вработување, а за лицата со инвалидитет и жените од селата се планирани отстапки според регулативата.