“Изминатиот период со мојот тим работевме посветено и неуморно да овозможиме развој во земјоделството и подобар живот за нашите земјоделци. Земјоделството има се поголем удел во нашата економија и од него се директно засегнати голем број граѓани. Токму затоа за мене беше голема чест и одговорност да бидам на чело на овој сектор. Изразувам искрена благодарност до Владата на Република Северна Македонија, претседателот Зоран Заев за укажаната доверба и верувам дека позитивните политики ќе продолжат и понатаму.
Мојот тим продолжува таму каде што застанавме.
Политиките, мерките и реформите продолжуваат!”, напиша на Фејсбук министерот Љупчо Николовски, на кој денешниот настан и проект му беше последен како актуелен министер за земјоделство, шумарство и водостопанство.
Министерството по заминувањето на Николовски го презема Трајан Димковски.