Министерот за земјоделство, шумарство и водостопанство упати честитка по повод денешниот празник Свети Трифун.
Нека е честит и вековит Свети Трифун, нашиот голем празник, заштитник на лозјето и виното, посочи Николовски.
„Низ партнерски и транспарентен однос покажуваме што значи вистинска грижа за лозарите.
Продолжуваме да бидеме партнер на лозарите, да стимулираме подигање на нови насади, зголемување на производството на грозје и вино, отварање на нови пласмани и освојување нови пазари преку бројните ефективни мерки и политики.
За многу години Свети Трифун, нека донесе богат род за сите лозари и винарници“ истакна Николовски.