Новиот генерален секретар на СДСМ и досегашен министер за земјоделство, шумарство и водостопанство, Љупчо Николовски, донирал неколку илјади евра за децата од СОС Детско село.
Во соопштение од страна на министерството вчера беше наведено дека Николовски нема да ја искористи законската можност за користење апанажа една година. Исто така, информираа дека тоа не е неговото единствено одрекување од бенефициите кои законски му следувале.
– Изминатите две години, сите дневници за службени патувања Николовски ги донираше во СОС Детското село – известија од Министерството за земјоделство.
Околу откажувањето од дневниците за службени патувања, кои во рок од две години несебично ги донирал на децата од СОС Детско село, за ,,Фокус” Николовски вели дека тоа било чин кој што го направил од се срце.
Информацијата до која дојдовме, дека станува збор за сума од неколку илјади евра, ја потврдува, но потенцира дека не би сакал акцентот да се сведе на тоа, од колку пари тој се откажал во име на децата.
Скромно вели дека не би сакал да се прави никаква промоција од чинот, бидејќи во случајов го следел своето срце и искрено сакал да допринесе во подобрувањето на животот на децата.
-Некако се приврзав за СОС Детско село. Многу пати им бев во посета, ги засакав децата. Кога одам таму, се дружам со нив, и токму тие дружби со децата најмногу ме опуштаат.
Сите дневници започнав уште од лани таму да ги донирам. Кога го однесов првиот налог, во СОС Детско село на некој начин се збунија, не очекуваа нешто такво. На прашањето зошто го правам тоа, можам да кажам само дека среќата е многу поголема кога даваме, отколку кога добиваме. Барем за мене е така. Децата се богатсво и иднина – ни изјави Николовски.
Целиот текст на линкот тука