По денешната средба со мелничарите откупувачи на пченица, во моментов сум на средба со земјоделците производители на пченица во атарот на светиниколското село Кнежије.
Разговараме за проблемите на земјоделците од овој регион и нивните предлози за ублажување на штетите од годинешната лоша жетва на пченица. Детално и внимателно ќе се разгледаат и нивните барања, со барањата на мелничарите, се со цел да се донесат соодветни и системски решенија за стабилизирање на пазарот со пченица, информира министерот Николовски.
Ги известив дека во завршна фаза е обработката на решенијата за исплата на преостанатите субвенции за 2016 година.
Новата Влада, посветува сериозно внимание на земјоделството и на системски решенија за проблемите со кои се соочуваат земјоделците.
И во следниот период продолжуваме со интензивни средби на терен со сите чинители во земјоделскиот сектор, со цел изнаоѓање на квалитетни решенија, потенцира Николовски.
