Министерот за земјоделство, шумарство и водостопанство Љупчо Николовски е во работна посета на Брисел каде ги презентира резултатите од сработеното во земјоделството пред Европската Комисија во рамки на скринингот за Поглавје – 11.
– Денеска, заедно со моите колеги од МЗШВ ќе ги презентираме успешните приказни на виното и негова промоција, историјата на семејните винарии, промовирањето и поддршката на македонските производи ширум светот преку манифестации и саеми, поддршка за нашите земјоделци преку бројни програми како што е нашата “здрав оброк за секое дете”, и трговската размена на овошјето и зеленчукот.
Членството во ЕУ е наш приоритет, работиме посветено и одговорно за да ја оствариме оваа наша стратешка цел, порача денеска Николовски.
Македонското вино е нашата најголема национална гордост.
13 земја во светот сме по девизен прилив од извоз на вино.Испишавме историја со над 200 мали семејни винарии.За уште поголеми резултати подготвивме и нов Закон за вино, целосно усогласен со европските регулативи, и 10 годишна стратегија за виното по сектори.Од 2017 до денес за поддршка на винариите за учество на меѓународни саеми, сме издвоиле повеќе од 1 милион евра.Покрај редовните субвенции, земјоделците ги помагаме со програмата “здрав оброк за секое”, за која издвоивме 40 милиони денари со кои ќе се откупат 880.000 килограми свежо сезонско овошје.Ова се дел од факите кои беа презентирани во Брисел.
-Европскиот пат значи еднаква шанса за секого, и загарантирана иднина за младите во сопствената земја. Сите овие мерки и програми се согласно европските стандарди, а секој успех од истите е доказ и најголемо признание за целиот труд и работа што ги вложуваме, вели министерот Николовски.