“Денешната блокада на патот Прилеп – Градско од страна на фантомското здружение е уште еден неуспешен обид на ВМРО-ДПМНЕ за манипулација на земјоделците.
Денеска немаше никаков протест на лозари или овоштари туку очаен обид за искривување на реалноста од страна на огранокот на ВМРО-ДПМНЕ во Кавадарци, донесен со автобуси пред Росоман.
Наместо лозари и овоштари на денешниот таканаречен протест беа присутни членови на ВМРО-ДПМНЕ од Кавадарци, пратеничката Весна Пемова секретарот на ОК Кавадарци, членови и претседателот на УМС Кавадарци, вработени во администрацијата, а предводени од претседателот на Комисијата за земјоделство на ВМРО-ДПМНЕ Цветан Трипуновски и претседателот на регионалното здружение “Тиквешки лозaро-овоштари”, Златан Стојчев, кој на фотографиите во прилог во повеќе наврати е во прегратка и седи на иста маса со лидерот на ВМРО-ДПМНЕ, Христијан Мицкоски и претседателот на комисијата за земјоделство на ВМРО-ДПМНЕ, Цветан Трипуновски.
Колку Трипуновски, Златан Стојчев и членовите на фантомското здружение блиско до ВМРО-ДПМНЕ се навистина загрижени за земјоделците покажува тоа што одбија да разговараат со министерот Трајан Димковски за состојбите во лозарството.” – напиша на Фејсбук, генералниот секретар на СДСМ и поранешен министер за земјоделство, Љупчо Николовски.
