Пратеникот и поранешен министер за земјоделство, шумарство и водостопанство Љупчо Николовски смета дека со најновите измени на Законот за дивеч и ловство, Владата свесно ги отвора вратите за истите оние кои веќе еднаш ги загрозиле природните ресурси!
– Минатата година изгласавме дека правни лица и управители на кои им било одземено правото на користење на ловишта – НЕ СМЕАТ ПОВТОРНО ДА КОНКУРИРААТ! Тој реформски Закон беше донесен со консензус од сите партии и пратеници во Собранието пред само 18 месеци – во декември 2023 година, вели Николовски и додава:
А сега, министерот Трипуновски го брише тој член – и им дозволува токму на тие нелегални концесионери пак да управуваат со ловишта!
– Наместо заштита – се носи закон по мерка на прекршителите.
– Се намалуваат критериумите за рецензии.
– Наместо реформи – ретроградни чекори за интереси на поединци.
Кој има интерес да ги враќа луѓето што еднаш го злоупотребиле системот? Кој профитира од оваа измена? Дали е ова начинот на градење систем? – праша Николовски.
