После една деценија, Пробиштип доби нова модерна кино сала, со финансиска поддршка преку Програмата за рурален развој.
Вечерва, на официјалното отворање, во Пробиштип беше министерот за земјоделство, шумарство и водостопанство, Љупчо Николовски заедно со сопругата Андријана.
-На наше големо задоволство вечерва сме дел од отварањето, со првата интерпретација во изведба на културно уметничкото друштво Танец. Оваа кино сала ќе претставува вистинско уживање и релаксација за жителите на Пробиштип, порача Николовски.
Кино салата е со капацитет од 360 посетители, а ќе го носи името “Злетовски Рудар”, во чест на рударите од овој крај.
Истата е реконструирана преку Програмата за рурален развој, со поддршка од МЗШВ и Платежната агенција.