Претседателот Стево Пендаровски денеска во претседателската резиденција со високо државно одликување „Орден за заслуги за државата“ ги одликуваше постхумно писателот Горан Стефановски, пејачот и актер Зафир Хаџиманов и професорот Ремзи Несими, како и претседателот на Ракометната федерација на Македонија, Живко Мукаетов.
Меќу присутните беше и вицепремиерот за борба против корупција и криминал, за одржлив развој и човечки ресурси, Љупчо Николовски.
„Ми беше задоволство да присуствувам на денешното доделување на високото државно одликување „Орден за заслуги за државата“ кое денес Претседателот Пендаровски го додели неколкумина извонредни сограѓани.
Честитам на одликувањето и на досега сработеното на господинот Мукаетов и професорот Несими. Нивниот придонес кон општествениот развој е од непроценлива важност за сите нас“, истакна Николовски.
„Се поклонувам пред прерано заминатите, господин Стефановски и господин Хаџиманов и благодарам за културното наследство, за можноста многу понатамошни генерации да уживаат во нивното творештво. Ви вашите дела нема да бидете заборавени од овој народ и оваа држава“, посочи Николовски.