Генералниот секретар на СДСМ, Љупчо Николовски вечерва од Штип ја дава поддршката за Димитар Ковачевски, за иден претседател на СДСМ.
„Само заеднички, одговорно и посветено можеме успешно да ги продолжиме социјалдемократските политики за подобар живот за граѓаните.
Вечерва од Штип ја давам поддршката за Димитар Ковачевски, за иден претседател на #СДСМ, за неговата програма која нуди мерки за развојна економија, подобар животен стандард, враќање на добербата на граѓаните во институциите“, истакна Николовски.
Николовски потенцираше дека со програмата #Заедно продолжува социјалдемократскиот економски концепт којшто се спроведува во изминатите четири години.
„Убеден сум дека Димитар ќе ја води партијата одговорно и посветено и ќе ги продолжи успешните политики што ги започна Зоран Заев.
На 12 декември да го избереме Димитар Ковачевски за нов претседател на СДСМ“, истакна Николовски.