Денес го одбележувме Меѓународниот ден на ненасилството, денот кога треба да потсетиме дека градиме општество врз основа на меѓусебно разбирање, и кога се потсетуваме на нашата заложба за спротивставување на насилството, истакна Љупчо Николовски, вицепремиерот за борба против корупција и криминал, за одржлив развој и човечки ресурси.
„Во земјите од ООН, овој ден се одбележува во чест на роденденот на Махатма Ганди, лидерот на движењето за независност на Индија и вистински визионер кога станува збор за промоција на ненасилството како политичка алатка во општеството“, посочи Николовски.
