Во Виена го презентираме концептот на ОтворенБалкан, ги презентираме нашите најубави македонски вина пред најреномираните новинари, познавачи на виното, бизнис партнери, и купувачи од Австрија, Германија и Швајцарија, објави денеска министерот за земјоделство, шумарство и водостопанство Љупчо Николовски.
– Wine Vision е оригинален и возвишен настан со кој го славиме животот под нашето балканаско небо. На овој прекрасен настан, на покана од мојата колешка министерката за земјоделство на Србија Јелена Танасковиќ, имаме можност да покажеме дека македонското вино е нешто со што се гордееме. Најдобар промотер на нашата земја, порача Николовски од Виена.
Визијата која ја имавме пред неколку години, за тоа како треба да функционира Балканот, ја преточивме во Отворен Балкан. Денес е наша успешна приказна, а тоа најдобро ќе го докажеме преку вкусот на нашите благородни вина, вели министерот.
