-Во изминатите две и пол години докажавме дека ако се работи чесно, домаќински и одговорно пари има за граѓаните. За разлика од ВМРО-ДПМНЕ која парите на граѓаните ги крадеше, ги префрлаше на сметки на Белизе, градеше барок и панорамски тркала, СДСМ парите ги враќа кај граѓаните за тие да имаат повисоки примања и подобар економски стандард. – порача Љупчо Николовски, генерален секретар на СДСМ и носител во ИЕ 3 денеска од Марино.
-Минималната плата ја зголемивме на 14.500 а до крајот на мандатот ја креваме на 20.000 денари што е дури 120% повеќе од оние срамни 9.000 денари на ВМРО-ДПМНЕ. Платите во сите сектори пораснаа и ќе продолжат да растат. Просечната плата до крајот на мандатот ја креваме на 34.000 денари. За две и пол години пензиите пораснаа за речиси 1.800 денари, а ќе има постојан раст и во следните 4 години. Раст од најмалку 21 отсто ќе има на најниските пензии, а минимална пензија ќе изнесува 10.700 денари до крајот на мандатот. Затоа што пари имало и секогаш има, само треба да се трошат домаќински и во интерес на граѓаните. – порача пред граѓаните Николовски.
Тој рече дека додека ВМРО-ДПННЕ ширеше лажни вести и кршеше мерки за заштита, како што рече, тие донеле три пакети мерки за поддршка на економијата, за спас на работните места и јакнење на приватната потрошувачка.
-Со домашните платежни картички и со ваучерот за туризам кон повеќе од 324.000 граѓани вративме 28 милиони евра за купување на наши, македонски производи и услуги, за посета на наши, домашни туристички центри и објекти. Тоа е патриотизам на дело, патриотизам кој продолжува уште повеќе, уште подобро.- нагласи Николовски.
Во следниот период домашна платежна картичка од 9.000 денари добиваат и пензионерите со пензии пониски од 15.000 денари, лицата кои се пасивни баратели на работа, стечајните работници и самохраните родители. ВМРО-ДПМНЕ беше против проектот Мој ДДВ, кој се покажа како многу успешен и ефикасен во борбата против сивата економија.Со овој проект за само 3 квартали вратени се 10.7 милиони евра кон граѓаните.
Во новиот мандат уште повеќе пари ќе враќаме кај граѓаните, лимитот за повратот на ДДВ, го зголемуваме од 600 на 800 денари месечно, односно од 7.200 на 9.600 денари годишно.Голема е разликата меѓу СДСМ и Коалицијата „Можеме“ и ВМРО-ДПМНЕ. Додека ние ги враќаме парите кај граѓаните, тие ги крадат и носат на рајските острови. Додека се грижиме граѓаните да имаат повисоки плати и пензии, тие се против. Ние сакаме економски обезбедени и среќни граѓани, тие сакаат потчинети и уценувани граѓани. – заклучи Николовски повикувајки ги граѓаните на 15 јули, почитувајќи ги сите мерки за заштита да излезат на избори и да гласаат за опцијата која нуди повеќе пари кај граѓаните и економски просперитет, наспроти враќање на мрачното минато.