-Неповратна финансиска поддршка за жените од рурални средини во висина од 180 илјади денари за инвестиции што ќе придонесат за нивен развој. Владата на РСМ, на денешната седница, ги прифати измените на националната програма за развој на земјоделството и руралниот развој за периодот 2018-2020 година, предложени од Министерството за земјоделство, шумарство и водостопанство, во соработка со Министерството за труд и социјална политика, информира министерот за земјоделство, шумарство и водостопанство, Љупчо Николовски.
