Ние сме винска земја со многу успешни вински приказни. Една таква е и винаријата Брзанов во Трубарево.
Денеска членот на ЦО на СДСМ Љупчо Николовски заедно со претседателот на СДСМ Димитар Ковачевски го посетија домаќинот Антонио кој на последниот повик за грант од 2023 година има набавено дозерка за вино, затварачка за плути, и три барик буриња во вредност од 540.000 денари. Антонио ја раскажа неговата винска визија, неговата идеја.
– Денес имаме 255 регистрирани вински визби, 173 мали семејни винарии, благодарение на мерките кои ги креираме и поддршката која ја даваме во облик на грант од 10.000 евра кои дополнително го модернизираат винскиот процес. Јас сум горд на малите семејни винарии, на малите дестилерии, заедно постигнавме големи успеси. Под ова наше македонско сонце, се прави најубавото македонско вино, по кое сме препознатливи низ целиот свет, посочи Николовски.
