Денеска се исплатија 3.6 милиони евра субвенции за пчеларите и млекопроизводителите, објави министерот за земјоделство, шумарство и водостопанствво, Љупчо Николовски.
“Денеска се исплатија над 2,2 милиони евра за 3.156 пчелари и над 1,4 милиони евра за литар предадено кравјо, козјо и овчо млеко за 5.960 сточари. Продолжуваме со навремена и неселективна исплата на сите субвенции, тогаш кога им се најпотребни на нашите земјоделци”, вели министерот.