“Почитувани земјоделци, ве информирам дека денеска попладне ќе бидат исплатени вкупно 80 милиони денари, за субвенции.
Од нив, 28 милиони денари, се за субвенции за одржување на овошни насади за 544 овоштари.
Осум милиони денари, ќе се исплатат за субвенции за одржување на лозови насади за 252 земјоделци.
А останатите се за надомест на штети од поплавите што се случија во 2016 година во општина Гази Баба, поточно за штети на пластеници и за повеќегодишни насади.
Воедно, ве известувам дека во завршна фаза е обработката на решенијата за исплата на преостанатите субвенции за 2016 година.
Владата на Република Македонија, и натаму ќе работи во интерес на земјоделците и навремена исплата на субвенции.” – потенцира министерот за земјоделство, шумарство и водостопанство, Љупчо Николовски.