Министерот за земјоделство, шумарство и водостопанство Љупчо Николовски денеска заедно со Амбасадорката на САД Анџела П.Агелер ја посетија малата семејна винарија Арабеска.
– Владините мерки вродија со плод, и тоа е признато во светски рамки. Високо 13 место во светот по девизен прилив. Овие резултати покажуваат дека сме на вистинскиот пат, и ни е голем мотив да продолжиме уште повеќе да работиме во корист на сите земјоделци, посочи Николовски.
Министерот и Амбасадорката продолжија со посета и на винаријата “Венец” која беше учесник на Бела Вита, саемот во Чикаго годинава, каде за прв пат како земја земавме учество.
– Поддршката што како министерство ја даваме за промоција на нашите македонски вина е навистина голема. Винаријата “Венец” е корисник на средства од ИПАРД програмата за модернизација на производството. Ние сме лидери во регионот, наскоро започнуваме со ИПАРД 3 програмата, и 30 милиони евра буџет за првите два јавни повици, потенцира Николовски.
