Министерот за земјоделство, шумарство и водостопанство Љупчо Николовски заедно со Амбасадорката на САД, Анџела П. Агелер, ја посетија фармата на Јасмин и Уран во Горна Матка. Вредни земјоделци кои произведуваат козјо сирење и млеко, јајца, крем, превкусните чадено сирење и риба.
– Велат по храната денот се познава, а ние велиме храната е уште повкусна кога се дели со добри луѓе. Јасмин и Уран се млади земјоделци, корисници на субвенции за поддршка во сточарството, а со мерките кои ги преземаме поттикнуваме уште повеќе млади луѓе да се занимаваат со сточарство како гранка која е профитабилна и просперитетна, посочи Николовски.
Министерот потенцира дека со Правилниците за продажба од праг, се овозможува малите производители, руралните жени на легален начин да може да ги продаваат своите убави и автентични производи.
– Фармата на Јасмин и Уран е наменета и за рурален туризам, предлагам ова да биде ваша следна дестинација, убавините на Матка се незаменливи, додаде Николовски.
