Почитувани корисници на апликацијата Мој ДДВ од денес Вашиот остварен износ за поврат на ДДВ за првите три месеци од 2020 година ( јануари, февруари и март) ќе можете да го донирате со што ќе учествувате во борбата против Коронавирусот COVID-19, напиша на Фејсбук директорката на Управата за јавни приходи, Сања Лукаровска.
„Во апликацијата МојДДВ на располаѓање се опциите:
✅ДА ,,го донирам мојот поврат на ДДВ ‘’
и
✅ НЕ ,,благодарам’’.
Физичките лица кои ќе одговорат потврдно даваат согласност за донирање на целиот износ , додека оние кои ќе одговорат негативно ќе имаат можност да го сменат своето мислење до 5 мај 2020 година.
Управата за јавни приходи ќе започне со исплата на повратот за првото тримесечје (јануари, февруари и март 2020) од 6 мај 2020 година“, истакна Лукаревска.