Ккао одговорна партија СДСМ секогаш дава шанса и остава простор за договор, но роковите поминуваат. Доколку ВМРО продолжи да се однесува неодговорно и несериозно поради исклучиво внатрепартиските конфликти и целите на Мицкоски секако согласно законите и Уредбата со законска сила изборите ќе бидат одржани на 21. јуни, порача портпаролот на СДСМ Костадин Костадинов во вечерашното издание во „Само вистина“ на ТВКанал 5.
Знаете дека имавме две лидерски средби, Христијан Мицкоски бараше лидерски средби, бараше одржување на изборите, но заради состојба со Ковид-19 изборите мораа да бидат одложени, појасни Костадинов кој рече дека не може да поверува дека опозицискиот лидер барајќи избори од јуну 2018 доби се што побара и сега наеднаш бега од изборниот процес.
-Бега затоа што е апсолутно изплашен од изборниот пораз, констатираше Костадинов кој потенцираше дека согласно препораките од надлежните изборите треба да се одржат во првиот можен рок.