За само неколку часа откако професорката Тања Каракамишева објави членска книшка од СДСМ која гласи на име Митко Јанчев, порачувајќи ,,Кога партиите се хоби и строгонаменски бизнис”, кавадаречкиот градоначалник откри чија била всушност книшката за која веднаш демантираше дека е негова.
За ,,Фокус” тој достави фотографија со истиот сериски број на членската книшка, а на неа стои името на Катица Јанева.
Јанчев додава дека доколку во рок од 24 часа не добие јавно извинување од Каракамишева ќе ја тужи за клевета и фалсификат.