Градоначалникот на Кавадарци, Митко Јанчев, изрази јавна благодарност на премиерот Зоран Заев, на министерот за здравство Венко Филипче, на министерот за внатрешни работи Оливер Спасовски и на вработените во полицијата и болниците за професионалноста во работата по сообраќајната несреќа во која беше повреден неговиот син и уште еден другар.
– Во оние тешки моменти кога се соочуваме со некој здравствен проблем и кога имаме потреба од брза интервенција, успешното работење значи спасување. Вашата професионалност само покажува дека чекориме напред кон светските стандарди на модерното и напредно здравство пишува Јанчев во отвореното писмо.
Според информациите, децата денес веќе се на пат кон своите домови, по успешните интервенции извршени над нив во Клиничкиот центар во Скопје.