На билателарната средба помеѓу министерката за земјоделство на Хрватска, Марија Вучковиќ и министерот за земјоделство, шумарство и водостопанство Љупчо Николовски се разговараше за jакнење на трговската размена помеѓу двете пријателски земји и за македонските пристапни преговори во областите на земјоделството и руралниот развој.
Министерката го сподели хрватското искуство по трансформација на „ЈП Хрватске шуме“ во државна компанија “Хрватске шуме ДОО“.
“Се договоривме во следниот период да формираме тим за соработка помеѓу Хрватски шуми и ЈП Национални шуми за споделување на искуство. Директорите на платежните агенции Никица Бачовски и Антун Вујиќ, разменија искуства за искористување на европските фондови кои ни се на располагање со цел да се реализираат нови инвестиции со средставата кои ги добиваме од фондовите на ЕУ. Хрватските колеги ни го пренесоа и искуството за мерка 7 – рурална јавна инфраструктура ИПАРД програмата која во моментов е во процес на акредитација. Хрватска е отворена да не поддржи на патот кон евроинтеграциите и да ни пружи експертска помош во областа на земјоделството.” – потенцира министерот Николовски.
