Пратеникот од редовите на ВМРО-ДПМНЕ, Влатко Ѓорчев во пресрет на прославата 29 години од основањето на партијата, истакна дека неговата партија е подготвена за парламентарни избори кога било, изјави за ТВ 24.
-Ова е трет век како ВМРО битисува и се бори за Македонија. Тоа ќе продолжи и понатаму затоа што ВМРО-ДПМНЕ е борба за Македонија. Јас е дека во Македонија ништо не се случува а нашата партија е подготвена за парламентарни избори во било кое време. Цело време бараме предвремени парламентарни избори. Погледајте година дена наназад ние цело време бараме предвремени избори, но Зоран Заев ги избегнува. Зошто? Затоа што ќе е поразен, истакна Ѓорчев.
Од СДСМ пак велат дека нема потреба од предвремени избори затоа што политиките на владеачката партија даваат резултат во многу области од општеството а веќе по средбата со германската канцеларка Ангела Меркел, датумот за почеток на преговори за членство во ЕУ е веќе извесно.