Со над 15 автобуси и комбиња дојдени од Скопје, Штип, Пробиштип и Кратово, ВМРО-ДПМНЕ го оддржа митингот вечерва во Крива Паланка. И покрај тоа на митингот беа присутни околу 1300 луѓе. Со оглед на тоа дека имаше и возила надвор од градот, математиката вели дека на митингот имаше не повеќе од 700-800 кривопаланчани што е вистинско промашување за ВМРО – ДПМНЕ.
Иако на минатите избори во оваа општина владејачката партија освои над 7000 гласови, само две години потоа благодарение на она што го слушнаа граѓаните преку “бомбите”, но и неостварените а ветени проекти како на пример за 5600 вработувања во Веибо или експресен пат кон Бугарија, Груевски е приморан да носи свои членови од околните општини.
