Денеска, министерот за земјоделство, шумарство и водостопанство, Љупчо Николовски, заедно со постојаниот претставник на УНДП за Македонија, Луиза Винтон, беа дел од традиционалната манифестација “Преспански Јаболкобер 2017“ што се одржува во Ресен.
Со откинување на првото јаболко и официјално започнува почетокот на годинешниот јаболкобер.
Во рамки на манифестацијата, министерот ги посети поставените штандови, на кои овоштарите од овој регион имаа изложено јаболка од сите сорти.
-На производителите им посакувам голем бериќет, висока откупна цена, и подобри временски услови, а ние како Влада, во периодот што следува ќе го подржуваме производството на јаболка, затоа што како земја имаме потенцијал за квалитетно производство. Ќе работиме на системски мерки, но и на изнаоѓање на нови пазари за извоз на македонските јаболка, потенцира Николовски.
