Генералниот секретар на Владата, Драги Рашковски, објави две фотографии на кои што се гледа акцискиот план кога требало да се случи набавката на АРМ системот на навигација за потребите на македонската авијација.
Во продолжение интегралниот текст на Рашковски:
Почитувани,
пред фактите и боговите молчат. Во врска со објавениот снимен разговор од страна на Климент Чепуњовски од официјалниот состанок одржан во мојот кабинет, со тројцата директори на МНАВ, претставник од министерството за транспорт и врски и претставници на компанијата Леонардо, која уште во 2016 година ја има добиено набавката за АТМ систем за навигација, во прилог ви споделувам два факти кои во целост го демантираат НАСЛОВОТ на објавите на некои портали. Во снимениот разговор кој не е објавен во целост, во ниту еден момент не се зборува за манипулирање со тендерска постапка, туку за тоа како граѓаните да добијат побезбедно небо.
Од акцискиот план на МНАВ се гледа дека одлуката за набавка на АТМ системот е донесена пред април 2018 година (6 месеци пред одржување на состанокот од снимениот разговор). Во целиот период до одржување на состанокот потпишувањето е опструирано пд Чепуњовски (за тоа докази во идните објави) со цел која дополнително ќе се дознае.
Исто така ќе се дознае зошто и како е компилиран разговорот во насока дека некои искажани зборови се насочени кон одредена држава. Во моментов се прави анализа на објавениот аудио запис.
Следуваат уште доста докази и факти.
,
Предходно, Рашковски објави известување до Владата од страна на претседателот на управниот одбор на МНАВ, Николче Тасевски, дека Чепуњовски ја опструирал работата на Уравниот одбор и на институцијата и дека комуницирал со ЕБОР кажувајки невистини.
