“Оваа недела, заборавајќи ги предизборните ветувања и заради безидејноста во политиките, Владата продолжи со копирање на мерките и политиките што ги воведовме притоа претставувајќи ги како нивни и нови.
До 2017 год. поддршката за ориз беше 6000 денари по хектар. Во 2018 год. ја зголемивме за 300 % односно на 18.000 и на 25.000 денари. Креиравме цел пакет преку кој ја дуплиравме вредноста на извезениот ориз и девизниот прилив, воведовме нови мерки за пакување на ориз и набавка на специјализирани комбајни и имавме највисоки откупни цени.Сега, на крај на 2024 год. помпезно слушавме фалби дека решен бил проблемот на оризопроизводителите. Решението било да се исплатат истите субвенции од 18.000 денари и плус 6.000 денари за извоз што е помалку од поддршката што сме ја достигнале пред неколку години.
До 2017 год., поддршката за 1 кг. тутун беше 60 денари. Во 2018 год. веднаш и тоа за реколатата од 2017 год. воведовме нов модел и ја зголемивме субвенцијата од 60 на 80 денари а во 2023 год. на 100 денари. Откупната цена успеавме од 127 ден. да ја зголемиме на 360 денари и да воведеме за прв пат плус 6000 денари по хектар како и 6000 денари или 100 % поддршка за зелена нафта за турунопроизводителите. Најголем пакет за поддршка на тутунопроизводителите досега.Меѓутоа, тогашната опозиција ветуваше уште поголема поддршка односно зголемување на субвенцијата од 100 на 160 ден/кг. како и откупна цена од 600 денари/кг тутун. Денес го заборавија и едното и другото ветување.
Наместо тоа, го слушнавме министерот како вели дека субвенцијата ќе се намали од 100 на 80 денари по што логично, како пратеничка група на СДСМ, веднаш побаравме и поднесовме законско решение за да стекнатата поддршка не се намалува и биде линеарно 100 денари за секој кг/тутун.
Сега, на крај на 2024 год. како растеше притисокот и незадоволството, помпезно слушавме фалби деќа решен бил проблемот и на тутунопроизводителите. Решението било во нашиот предлог да остане поддршката на 100 денари и да го нема зголемувањето на 160 денари а откупната цена наместо 600 да биде 400 денари.
Токму затоа и имаме намален буџет за земјоделство за 2025 година за 10 %, за 10 пати намалена програма за рурален развој, укинување на инвестициските програми за малите производители, намален буџет за ИПАРД, намален интервентен фонд, намален буџет за изградба на системи за наводнување ама зголемен буџет за нови вработувања, привремени вработени и непродуктивни трошења.”Фејсбук статус на Љупчо Николовски, поранешен министер за земјоделство, шумарство и водостопанство