Сообраќајниот прекин на магистралниот пат Крива Паланка – Куманово, за кој предходно информираше АМСМ , е настанат заради камион со црногорски регистарски таблички кој влечел приколка и удрил во надвозник.
Од СВР Куманово информираат дека товарното возило марка „Волво“ се движело од Крива Паланка кон Куманово и во близина на населбата „Карпош“ удрило во надвозникот при што од камионот се одвоила приколката. Камионот бил управуван од српскиот државјанин А.С. (1969).
Сообраќајот е во прекин од 17 часот, а во несреќата нема повредени лица.