Царинската управа на Република Северна Македонија, преку активности го одбележа 26 април Светскиот ден на интелектуалната сопственост и на 24.04.2019 година како дел од кампањата „Стоп за фалсификуваните производи“ така што во просториите на трговскиот центар Рамстор ги запозна потрошувачите со штетните последици кои може да ги предизвикаат фалсификатите.
На самиот влез на ТЦ Рамстор беа поставени банери од кампањата, а на штандот од страна на царинските службеници беа презентирани примероци од фалсификувани производи и поделени брошури на граѓаните односно потрошувачите. Посетителите покажаа голем интерес за запознавање со проблемот со присуство на фалсификувани производи на пазарот.
Оваа кампања е фокусирана на заштита на корисниците од купувањето на фалсификуваните производи бидејќи тие преставуваат голем ризик за здравјето на луѓето, додека светската економија бележи големи загуби поради дејствија поврзани со производството и пуштањето во оптек на фалсификувани производи.
