Во рамки на обуката што од 27-30 мај ќе се реализира со експерти од Царинската служба на Република Франција, како билатерална помош, ќе бидат презентирани и демонстрирани применуваните современи методи на разоткривање и констатирање на царинските прекршоци и други казниви дела во чие превенирање и сузбивање Царината има активна улога.
По совладување на теоретскиот и практичниот дел на обуката што претставува продолжение на претходно заеднички реализирани активности со колегите од Франција, на царинските службеници и на полициските службеници кои се исто дел од групата на учесници ќе им бидат доделени дипломи, информираат од Царинската управа.
Стекнатото знаење учесниците ќе можат понатаму практично да го применуваат и да го споделат со своите колеги користејќи ги соодветните за таа намена предвидени технички средства што ќе бидат протоколарно предадени на располагање, за идни операции кои ќе се реализираат во техничка соработка.
