Дијалогот вроди со плод! Од март, околу 80.000 мои, ваши сограѓани ќе добијат минимална плата од 18.000 денари, истакна вицепремиерот задолжен за економски прашања.
„13% од вработените во нашата земја земаат минимална плата, со ова покачување им помагаме да се извлечат од прагот на сиромаштија. Европскиот стандард на луѓе кои примаат минимална плата е 3% од вкупниот број на вработени, и кон тој стандард треба да се приближуваме и да работиме, посочи Битиќи.
Битиќи потенцираше дека со ова покачување, уделот на минималната плата во просечната плата е 62%, што е највисок просек во Европа и поголем од барањето на Синдикатите. Најголемиот процент во Европа, на удел на минималната плата во просечната, е во Франција и тој изнесува 50%.
„Во март, граѓаните ќе добијат минимална плата од 18.000 денари. Како што ветивме. Владата ќе ги субвенционира придонесите од разликата од покачувањето, до крајот на годината, а по дејности над 90% од оние кои ќе бидат поддржани се микро и мали компании.
Ова е солидарно решение со кое им се излегува пресрет и на граѓаните и на стопанството. Важно ни е да имаме задоволни работници, кои ќе ги задржиме тука, дома. Но и здраво стопанство кое може да понесе напред, кон развој.
Веќе кажавме дека старата методологија за усогласување не ги носи очекуваните резултати и на денешниот состанок предложуваме нова, со која минималната плата ќе се формира како:
– 50% од порастот на на просечната плата, и
– 50% од процентот на индексот на живот,
– Со дополнителен услов, уделот на минималната во просечната плата задолжително да биде над 57% што ќе обезбедува достоинствено и одржливо покачување на стандардот на долг рок.
Им благодарам на нашите социјални партнери на продуктивната дискусија која не донесе до заедничко решение. Демократските вредности се градат токму вака“, рече Битиќи.