Десетици интелектуалци, јавни личности и граѓани се собрале вечерва пред француската амбасада во Софија за да го искажат своето несогласување со одлуката на претседателот Емануел Макрон да го блокира почетокот на пристапните преговори за влез на Северна Македонија и Албанија во ЕУ, пренесува БГНЕС.
Учесниците извикувале: „Бугарија и Македонија под едно небо!“, „Не на лицемерие, Да на Македонија“.
„Сведоци сме за заживување на француско-српската унија, која последниве години е „запоставена“ и има за цел да ја блокира европската иднина на Македонија“, изјавил познатиот публицистот и експерт за Балканот, Иван Николов.
Друг учесник во бдеењето истакнал дека треба „бескомпромисна и постојана поддршка за европското членство на Северна Македонија, бидејќи во спротивно, „поддржаните од надвор националисти ќе го дестабилизираат целиот регион“.
Учесниците во бдеењето го повикале Макрон да ја преиспита неговата одлука и да биде на висина на најголемите француски државници како Де Гол и Жак Ширак и да не ја загрозува стабилноста и безбедноста на Балканот во толку сложено историско крстосување.
Тие посочија дека „ова е прв протест во Европа за членство на една земја во ЕУ“.
Во писмото до Маркон, организаторите на бдеењето го повикаа францускиот претседател да не дозволи „Република Северна Македонија да биде извор на политички хаос“. Претставник на француската амбасада доби писмо од демонстрантите во кое го повикува Макрон да се предомисли и да не ја загрозува иднината на Балканот и ЕУ.