За првпат е поднесено официјално барање до Премиерот за разрешување на негов министер. Станува збор за актуелниот министер за земјоделство, шумарство и водостопанство Цветан Трипуновски.
Пратеникот и поранешен министер од овој ресор Љупчо Николовски со став по ова прашање кое ги мачи земјоделците.
– Се надевам, за доброто на земјоделците, ова барање ќе биде прифатено. Многу прашања – нула одговори!
Министерот Трипуновски, како и секогаш – со закани наместо со решенија, без ниту една нова мерка, без закони, без визија за македонското земјоделство, вели Николовски.
– Наместо реформи гледаме укинати програми и мерки. Укинати програмите за малите производители, намалени субвенции за крави и укината мерка за јагниња, укинат и новиот модел на субвенции кадешто земјоделците за првпат авансно ги добиваа своите средства.
– Нема зелена нафта- најпотребна во време на сеидба и жетва.
– Нема свежо овошје за децата – ни една набавка не е започната, сезоната поминува.
– ИПАРД 3 – на работ на пропаст -Наместо борба за секое евро од европските фондови – партиски вработувања и нефункционален SAP систем како и без значајна реализација. Од регионални лидери до уништени институции за само една година.
А земјоделците? Повторно оставени сами.
Минатата година Министерството беше лидер по транспарентност и отчетност – годинава го нема ни на мапа. Од пример за интегритет, стана симбол за игнорирање на обврски и граѓани, вели Николовски за работата на актуелниот министер Трипуновски.
Инаку, Неолибералната економска политика на Владата на ДПМНЕ, ЗНАМ и ВРЕДИ претставува директна закана за домашното производство на храна и за опстанокот на македонскиот земјоделец, реагираат и од политичката партија Левица.