Ветувањето на Владата е дека проечната плата ќе биде 500 евра, до крајот на мандатот, а за да тоа се достигне потребно е да просечните плати се покачат за околу 70 евра. Владата има план како да се покачат платите и ќе се постигне ветениот резултат, кажа Вицепремиерот Анѓушев на вестите на Сител телевизија.
„Цената на електричната енергија веќе три години е иста, а ЕСМ бележи акумилирана добивка од 40 милиони евра и ликвидни средства од 80 милиони евра. Граѓаните преку дневната евтина тарифа заштедија од 8 до 11 милиони евра овие две години, нашите граѓани плаќаат најниска цена на електрична енергија во цела Европа, нема ниту приближно таква цена ниту во соседството. Просечните плати растат за колу 6%. Во овие две години 50.000 лица се вработија, што покажува дека стандардот на граѓаните расте. Економските разултати во последните шест месеци се подобри од било кога претходно и во поглед на нивото на странски директни инвестиции, растот на БДП, рекордно ниска невработеност и највисока вработеност “ рече вицепремиерот Анѓушев.