Министерот Николовски денеска го посети Ико и неговото семејство од село Горно Црнилиште кои се занимаваат со сточарство, одгледуваат околу 320 овци.
– Убав муабет си направивме денес, Ико е задоволен од поддршката што ја даваме во сточарството. Оваа 2024 е година на сточарството. Имаме цел двојно да го зголемиме буџетот во сточарското производство од 35 милиони на 70 милиони евра годишно. Оваа 2024 се зголемува поддршката за предадено јагне во регистриран кланичен капацитет од 400 на 1.000 денари. Го помагаме сточарството зголемувајќи ја платата за овчарите, од досегашните 360.000 денари по овчар, на 620.000 денари. Со право велиме дека оваа година е година на сточарството, потенцира Николовски.
