Објавена програмата за Новогодишниот базар во најукрасениот град во земјава – Крива Паланка.
– Најавуваме нови незаборавни моменти и загарантирана забава за сите генерации. Топло и срдечно ќе ве дочекаат нашите вредни паланчани, со: греано вино, германски колбас, вафли, топол чај,чварки и пивтии, детски реквизити и многу други содржини, објави првиот човек на општината Сашко Митовски кој е и најзаслужен за празничната бајка во центарот на градот.
Програмата ќе понуди бројни настапи на наши, македонски, изведувачи и бендови, а најмладите и тинејџерите ќе уживаат во креираната за нив забавна шема: детски претстави, концерти, жонглери, комични настапи и секогаш спектакуларното пристигнување на Дедо мраз на 30.12.2023, сабота.
Вечерва настапува Мартија и мега популарното дуо ДНК!
