Излезеноста до 15:00 часот во Општина Ранковце изнесува високи 44,64 отсто, а изборниот процес тече мирно и се одвива непречено, информира претседателот на општинската изборна комисија Ранковце, Орце Тодоровски.
По пресекот направен од страна на ОИК и обработените податоци од вкупно 13 избирачки места, до 15 часот своето право на глас го искористиле 1.303 граѓани од вкупно 2921 запишани во единствениот избирачки список.
На овие локални избори, осми по ред од осамостојувањето на државата, во вториот круг се гласа за градоначалници во вкупно 33 општини, вклучително и Градот Скопје.