СДММ значи другарство, СДММ значи борба, СДММ значи потенцијал и таленти, и најважно СДММ значи позитивна енергија како оваа денеска во Крива Паланка.
– Ги поздравувам младинските политики и Младинскиот манифест, битен апел донесен од Социјалдемократската Младина на Македонија, скроен во еден социјалдемократски дух кој ги отсликува левичарските идеи на еднаквост, достоинство и социјална правда, слобода и солидарност, посочи денеска членот на Централниот одбор на СДСМ, Љупчо Николовски од дискусијата за политиките и мерките кои ќе овозможат продолжување на процесот на европеизација на државата, организирана од Локалниот клуб на СДММ Крива Паланка.
– Со овие постулати убеден сум дека ќе обезбедат нови работни места, квалитетно образование, повисок стандард кај младите, финансиска независност, и држава која ќе биде дел од европското семејство на народите. Ве охрабрувам и замолувам, чувајте го и негувајте го другарството, ширете ја енергијата и задржете го овој дух денес, за цел живот. Останете вечно млади! Само така ќе ги исполните поставените цели и насоки, додаде Николовски.
