Општина Крива Паланка со Свечена академија ги заокружи годинашните празнувања по повод 8 Октомври.
Градоначалникот Сашко Митовски на академијата истакна дека Крива Паланка денес е резултат на многу труд, напорна работа, упорност, учење, пожртвуваност и најмногу од сè љубов кон она што го правите. Со таква посветеност работи и нашиот почитуван сограѓанин, министерот за земјоделство, шумарство и водостопанство, Љупчо Николовски и токму затоа нему му припадна честа да ја понесе највисоката општинска награда на Крива Паланка, Осмооктомвриската награда, што се доделува за посебен придонес за развој на градот, истакнаа од општината.
Плакета за посебни заслуги во промоција и афирмација на Крива Паланка е доделена на министерот за внатрешни работи, Оливер Спасовски.
Плакети за посебен придонес во различни области од развојот и афирмацијата на општината се доделени и на поединци, компании, организации и здруженија, заслужни за сѐ што е Крива Паланка денес.
