ратовскиот градежен мајстор Јаким Спасовски раскажува како станал жртва на измама поврзана со наводно закопано злато. „Им дадов 6.000 евра, дојдоа осуммина со детектори и копаа дупка од шест метри, убедувајќи ме дека под земја има казани со злато“, вели Јаким.
Подоцна им дал уште 5.000 евра за „нови сателитски снимки“.
Организирана група од осум лица со лажни сателитски снимки убедувала граѓани дека во нивните дворови има закопани ќупови со злато, барајќи по 6.000 евра аванс за „копање“. Според пријавите, најмалку пет лица се измамени.
Еден од осомничените се претставувал како полицаец, уверувајќи дека сè е легално и дека жртвите ќе добијат дел од наодите. Кога Спасовски сфатил дека станува збор за измама и побарал пари назад, добил закани.
Полицаецот, кој бил посочен како член на групата, ги негира обвинувањата, додека МВР соопшти дека случајот е во предистражна постапка.