Во пресрет на празникот 8.Октомври – Денот на ослободувањето на градот, Крива Паланка доби санирана, обновена и репрезентативна сала за настани во НУ Центар за култура Крива Паланка.
Градоначалникот Сашко Митовски заедно министерот за Локална самоуправа, Горан Милевски и директорот на НУ Центар за култура, Дарко Стоилковски, денеска официјално ја пуштија новата сала.
Ентериерот во салата е саниран со финасии од Министерство за локална самоуправа-Биро за регионален развој, Програма за урбани подрачја-вкупно 4 милиони денари и кофинасирање од општинскиот буџет близу 450.000 денари.
Извршено е:
– санација и обнова на целокупниот ентериер
– обновена кино сала,
-нови гардероби, соблекувални, сцена,
-модерен систем за осветлување и
-нов систем за затоплување.
За празнувањата да бидат поубави – подобри услови за работа во НУЦК, поквалитетна реализација на културните содржини, порача првиот човек на општината, Митовски.
