Девет текстилни работници од Штип се отпуштени, откако одбиле да дојдат на работа на денот на Успението на Пресвета Богородица, кој беше неработен ден за православните верници, пренесува ТВ СТАР.
И покрај тоа што првично им било кажано дека на овој ден нема да се работи, подоцна било побарано само тие 9-мина да се појават на работа, нешто што тие го одбиле:
Кога дошле во вторникот на работа им бил забранет влез во фабриката и добиле устен отказ, кажа Горан Трајков, здруж. Гласно – Штип.
Во шок и неверување, отпуштените работници помош побарале од Здружението Гласно и од трудовата инспекција:
Поднесовме преставка до инспекторатот каде ги наведовме усните откази и очекуваме брза реакција и утврдување на причините за устното отпуштање и прекршување на Законот за работни односи, кажа Трајков.
Инаку станува збор за работници кои во истата конфекција работат од самото нејзино отворање, таму поминале по 15 и повеќе години и останале лојани на сопствениците.
Сега, се категорични дека своите права ќе ги бараат по сите надлежни инстанци, а веќе е покренаата и тужба пред Основниот суд во Штип.